Raavâdviäsu- já piämmupalvâlemsyergi vuáđutođhos

Falâdeijee uápuin tun oopah sehe äššigâspalvâlem já vyebdim já purrâmušâi já juhâmušâi falâdem. Uáppei äššigâspalvâlem- já kielâtááiđuh nanosmeh, ko pargosoojijn peesih palvâliđ almugijkoskâsijd mađhâšeijeid.

Vuáđu-uápui lasseen uáppeeh peesih hárjuttâllâđ tááiđuid ohtsâšpargoskipárij tiilámpargoin já oppâlájádâs juuhlijn já tábáhtuumijn.

Ovdânemmáhđulâšvuođah láá ennuv. Uáppeeh sättih oppâđ Tave-Laapi pargosojij lasseen meid Ruotâst, Taažâst, Ruošâst já meiddei eres paaihijn Suomâst. Raavâdviäsusuárgán škovliittum ulmuid láá ennuv pargomáhđulâšvuođah eromâšávt tave hooteel- já raavâdviäsusuorgij irâttâsâin.

Pargo raavâdviäsusyergist lii maaŋgâpiälálâš, mulsâšuvvee já adelâš. Mulsâšuvvee pargoh kiäsutteh mielâ, jiehge tun kuássin teeivâ kyehti siämmáámušuš pargopeeivi.

Škoovlâ uđđâ raavâdviäsu- já cateringsyergi máttááttemsajeh láá valmâštum 2018, ađai oppâmpirrâseh láá eromâšeh.