Etusivu Koulutustarjonta Pohjoissaamen kieli ja kulttuuri

Davvisámegiella ja sámiid kultuvra | Pohjoissaamen kieli ja kulttuuri

DAVVISÁMEGIELA JOATKKAOAHPUT 30 OV (Anár) 

(Lukuvuonna 2017-2018 toteutetaan pohjoissaamen kielen jatko-opinnot. Alkeista lähtevä koulutus jälleen syksyllä 2018.)

Čakčat 2017 Sámi oahpahusguovddážis álgá ođđa oahppofálaldat.

Davvisámegiela ja sámiid kultuvrra joatkkajagi oahput bistet jagi ja daid viidodat lea 30 oahppovahkku (ov). Skuvlejupmi sisttisdoallá eanaš davvisámegiela oahpuid, muhto daid lassin leat maid kulturoahput ja giella- /bargohárjehallan.

Skuvlejupmi lea oaivvilduvvon daidda, geat háliidit čiekŋudit iežaset gielladáiddu ja ovddit giellaoahpuid. Skuvlejumi álggus lea giellaoahpalaš áššiid nannen ja dan maŋŋá ovdánit sátneráju nannema ja viiddideami bokte čállimii ja jorgaleapmái.

Oahpahusprográmma lea plánejuvvon nu, ahte dan heive daidda geat dárbbašit sámegiela barggus, muhto maiddái daidda geat jurddašit vuolgit gazzat lasi sámegiela oahpuid omd. universitehtii. Skuvlejumi áigge studeanta beassá maid vuodjut iežas suorggi deavsttaide.

Skuvlejumi gáibádussan lea, ahte studeanta 1) máhttá davvisámegiela 2) lea lohkan davvisámegiela omd. Sámi oahpahusguovddáža jagi guhkkosaš davvisámegiela ja sámiid kultuvrra skuvlejumis dahje 3) lea muđui háhkan čuoggá 2 lágan gielladáiddu.

Oahpahusgiellan lea davvisámegiella.

Oahpuid áigge roahkasmahttit oahppiid čállit ja geavahit sámegiela ja veahkehat sin čállit iehčanassii ja doarjut sin čállima proseassas. Ulbmilin lea maiddái addit válmmašvuođaid čađahit almmolaš gielladutkosiid bajimus dási iskosa. Oahput ordnejuvvojit nu, ahte dat váldet vuhtii oassálasti vejolaš bargoeallima dárbbuid ja hástalusaid. Sisoallun lea ee. bargoeallimii laktáseaddji teavsttaid čállin ja jorgaleapmi.

Ohcan                                                                                                                                                                                                       

  • Ohcanáigi 21.2.-15.5.2017. 
  • Oahppuide ohccojuvvo njuolga oahppolágádussii. 
  • Sáhtát deavdit e-ohcamuša dahje printet ja sáddet bábirohcamuša.


Oahpiid válljenprosessii gullá jearahallan.  

Lassedieđut: oahpuid rávvejeaddji Tea Niemelä 040 723 7201 / tea.niemela(at)sogsakk.fi dahje Sámi oahpahusguovddáža oahppodoaimmahat 040 707 3793 / oahppodoaimmahat(at)sogsakk.fi.



Share