Kurssat

Sámi oahpahusguovddáš ordne sámekulturskuvlejumi, nappo sámegiela ja -kultuvrra oanehis ja guhkes kurssaid, ja ámmátlaš lasse- ja dievasmahttiskuvlejumi.

Geahča dás maid kurssaid du ruovttuguovllus ordnejit:
Eanodat - ee. Heahttá, Bálojotnjálbmi, Gárasavvon, Gulddán, Leaibejávri, Bálojávri
Anár - ee. Anár, Doaivunjárga, Áŋŋel, Čeavetjávri, Njellim, Avvil
Ohcejohka – ee. Ohcejoga girkosiida, Gáregasnjárga, Njuorggán
Vuohčču - Vuohčču
Sámi olggobealde – ee. Roavvenjárga, Oulu, Tampere, Helsset

Sámekulturskuvlejupmái laktáseaddji kurssat ordnejuvvojit miehtá Sámi ja maiddai dan olggobealde. Kurssat leat giellakurssat (anáraš-, nuortalaš- ja davvisámegiela kurssat) dahje kurssat, mat oahpahuvvojit sámegillii, omd. goikkehiid/nuvttohiid ja gávtti goarrunkurssat, reaga dahje fatnasa duddjonkurssat, málestankurssat, loavdaga goarrunkurssat, ulloliinni gođđinkurssat, dahje dákte- ja čoarveduodjekurssat. Kurssaid oahpaheaddjin leat dábálaččat dakkár olbmot, geat dihtet ja dovdet sámekultuvrra. Oahpahusgiellan lea dábálaččat sámegiella, muhto dárbbu mielde maid suomagiella. Kurssat ordnejuvvojit dábálaččat eahkedis ja vahkuloahpaid áigge ja kurssaid guhkkodagat leat 1–12 oahppovahkkui.

Sámekulturskuvlejumiin almmuhit báikkálašbláđiin, ee. Inarilainen, Enontekiön Sanomat ja dasa lassin oahppolágádusa ruovttusiidduin.
Lassedieđut Eila Syväjärvi, tel. +358 40 572 8398, e-poasta Sähköpostiosoite on suojattu roskapostiohjelmia vastaan, Javascript-tuen tulee olla päällä nähdäksesi osoitteen

Ámmátlaš lasse- ja dievasmahttiskuvlejumi bealde Sámi oahpahusguovddáš fállá ee. hygieniaskuvlejumi, turismma dorvvolašvuođa- ja alkoholapássaskuvlejumi, giellakurssaid, boazodoallo- ja duodjekurssaid ja dokumeantafilmmaid skuvlejumi. Kurssaid guhkkodagat molsašuddet moatti diimmus gitta máŋggaid čuđiid diimmuid guhkkosaš ollisvuođaide.

Ámmátlaš lasse- ja dievasmahttinskuvlejumis almmuhit báikkálaš bláđiin, ee. Inarilainen, Enontekiön Sanomat ja oahppolágádusa ruovttusiidduin. Lassedieđut Janne Näkkäläjärvi, tel. +358 40 759 9427, e-poasta Sähköpostiosoite on suojattu roskapostiohjelmia vastaan, Javascript-tuen tulee olla päällä nähdäksesi osoitteen