Toimâpääihih já asâttuvah
OvdâsijđoTiäđuh mistToimâpääihih já asâttuvah

Toimâpääihih láá Anarist, Kaamâsist já Iänuduvvâst.

Aanaar

Anarist lii škoovlâ haaldâtlâš kuávdáš, kost uárnejeh vuáđutođhos- já áámmáttođhosškovlim, sämikielâi já -kulttuur škovlim já mediaškovlim. Pargovisteh láá uáiviškoovlâst já kulttuurkuávdáš Saijoos viistijn.

Kaamâs

Kaamâs Tuáivunjaargâst lii luánduiäláttâsâi ovdedemohtâdâh, kost láá ei. njuovvâmlágádâs, piärgu- já kyelekieđâvuššâmvisteh já čeevđitussim. Meid puásuituálu já luándusyergi škovlim lii Kaamâsist.

Iänudâh

Iänuduv toimâpääihist láá visteh sämikulttuur škovliimân já pargopáájáid.

Asâttuvâin láá kulmâ pargee. Asâttâhpargeeh pargeh puoh máttááttâskuávdáá toimâpaaihijn, adai sii fättee pyeremustáá puhelimáin. Talle ko škoovlâst lii máttááttâs, te ohtâ pargee lii ain eehidvuárust, ohtâ parga argâpeivij já ohtâ lii kocceemvuárust puhelin keejist tme 22.00 - 8.00.

Asâttuvâin lii vahtim já vahtimpalvâlus NewFlow pargee jotá asâttuvâin ijjâääigi. Vahtimpalvâlus kocá máttááttâs ääigi vástuppeeivi tme 21.00 rääjist pasepeeivi tme 18.00 räi. Vahtimpalvâlus lii aanoost meid máttááttâsttes ääigi.

Vahtimpalvâlus puhelinnummeer 040 242 6695

Asâttuvâh

Máttááttâskuávdáá asâttuvah láá Anarist já Tuáivunjaargâst. Asâttâhsaje lii uáivildum vuosâsaajeest vyeliahasáid já toid, kiäin láá pááikán jo-uv kuhes mätki teikkâ hyenes jotolâhohtâvuođah. Asâttâhsaje puáhtá finniđ sosiaallij agâiguin. Asâttâhsaje kalga uuccâđ asâttâhsajeucâmuššáin.

Uuccâmluámáttâh (.pdf)
Vääldi ohtâvuođâ
Virpi Valle-Perätalo

Virpi Valle-Perätalo

asuntolaohjaaja / asâttâhstivrejeijee 0400 290 758

Matti Harjuniemi

Matti Harjuniemi

asuntolahoitaja / asâttâhhoittájeijee 040 707 3791

Jarmo Wetterstrand

Jarmo Wetterstrand

asuntolahoitaja / asâttâhhoittájeijee 040 707 3792

Aanaar asâttâh

Aanaar asâttâh lii suulân kuulmâ kilomeetter keččin škoovlâst Aanaar riddoost čujottâsâst Sarviniementie 180. Asâttuvâst láá oovtâ já kyevti ulmuu visteh, já masa puoh viistijn lii jieijâs hiivsig/riššo. Kievkkâneh já orroomvisteh láá ohtâsiih. Kievkkânist láá hellá/uvnâ, mikro já jieŋâ- já puolâšskappi. Asâttuvâst lii kiävtust sraŋgâttes viermi.

Tuáivunjaargâ asâttâh

Tuáivunjaargâ asâttâh lii škoovlâ paaldâst Moškisjäävri riddoost čujottâsâst Toivoniementie 290. Tuáivunjaargâst láá oovtâ já kyevti ulmuu visteh. Ohtâsiih láá tupekievkkâneh, hiivsig já rišoh. Kievkkânist láá hellá/uvnâ, mikro já jieŋâ- já puolâšskappi.

Asâttuv ässee tiävdá aassâmluámáttuv já máksá čoovdâpaantâ ko sun asâiduvá. Ässei luovâttuvvoo persovnlávt čoovdâ, mon ij uážu adeliđ ovdâskulij. Asâttuvâst láá abloy-čovduuh já šleđgâčovduuh. Jis čoovdâ láppoo, te tast ferttee mäksiđ 50 € já uuvsâ leehâstmist piärroo ain vyeimist leijee máksu. Ässee kalga leđe kiärgus tuođâštiđ persovnvuođâs uuvsâ lehâstem ohtâvuođâst. Aanaar asâttuv nk. váldu-uksâ lii áávus tme 8.30 - 22.00, eres uuvsah láá luuhâst. Puoh asâttuvâin láá vakšumkamerah.
Lieggimstuálppusaje auton värrejuvvoo asâttâhpargein, já tast máksoo kietâruuđáin ain vyeimist leijee máksu. Autosaje hadde almottuvvoo luuhâmive aalgâst. Stuálppusajeh láá tuše toid ässeid, kiäh láá väridâm já máksám tast.
Sävni já posâlâddâmviste láá válduviäsust. Sävnivuáruh láá säävni uuvsâst. Posâlâddâmmašineh tuáimih euro šlanttijn. Posâlâddâmvisteest lii meid srijkkimryevdi já -lyevdi.
Uáppulájádâs já asâttuv kuávlust ij uážu porgottiđ. Lyeniliteh láá šiljoost, já jyehi uáppee sorttâd já tuálvu jieijâs ruuskijd liitán.
koulutustarjonta-banneri.jpg Occei

SMK:st valmâštuveh olmâ pargoeellim čeepih. Mij ornip škovlim sehe nuoráid já rävisulmuid. Irâttâssáid já siärvádâhháid mij faallâp pargoelimân vuáđudeijee škovlim- já ovdedempalvâlusâid.

Luuvâ lase
opiskelijalle.jpg Uáppei

Tiervâpuáttim kozzâđ uápuid SMK:n! Uáppei-uásán láá čuákkejum Tunjin tiäđuh, moh išedeh uápui ääigi, vâi Tun piergiih argâpeeivi keevâtlâšvuođâiguin já tuu uápuh maneh pyereest.

Luuvâ lase
vaaka-hankkeet.jpg Haavah

Säämi máttááttâskuávdáá joođoost leijee já nuuhâm haavah.

Luuvâ lase
palvelut.jpg Palvâlusah

SMK parga ennuv oovtâst Aanaar kuávlu irâttâsâiguin já eres pargoeellim organisaatioiguin. Mij ovdedep aktiivlávt palvâlusâidân, vâi mij pyehtip faallâđ čuávdusijd pargoeellim tárboid. Mij faallâp vijđes lope-, tohálâšvuotâ-, korttâ- já eres škovliittâsmáhđulâšvuođâid irâttâssáid já siärvusáid.

Luuvâ lase
tietoa-meista-vaaka.jpg Tiäđuh mist

Säämi máttááttâškuávdáš (SMK), tavesämikielân Sámi oahpahusguovddáš (SOG), lii tuáján, puásuituálun já sämikieláid spesiaališum nube tääsi oppâlágádâs, mii uárnee maaŋgâ syergi áámmátlii škovliittâs sehe nuoráid já rävisulmuid.

Luuvâ lase
virtuaaalikoulu.jpg Virtuaalškovlâ

Virtuaalškoovlâst uápuid čođâlditeh káidusuáppun jieškote-uvlágán viermipirrâsijn.

Luuvâ lase
Saamelaisalueen koulutuskeskus 

Menesjärventie 4
99870 INARI 
Puh. 040 723 7309
Puh. 040 723 7319

SAKK / Luontaistalouden kehittämisyksikkö

Toivoniementie 246
99910 KAAMANEN
Puh. 040 723 7309
Puh. 040 723 7319

 

SAKK / Enontekiön toimipaikka

Ruijantie 5
99400 ENONTEKIÖ
Puh. 040 572 8398

SAKK / SAJOS

Menesjärventie 2
99870 INARI
Puh. 040 723 7309
Puh. 040 723 7319

 

SAKK / Virtuaalikoulu
Menesjärventie 4
99870 INARI
Puh. 040 723 7309
Puh. 040 723 7319
Sopimuskumppanit Giellakas Oulun yliopisto Lapin yliopisto