-Dis lea fiinna prošeakta dáppe davvin. Mii leat hui beroštuvvan ovttasbarggus, Keski-Pohjanmaa konservatorio rektor Heikki Aho logai galledeami loahpas. -Mii leat hui movtta, ahte ná dehálaš musihka suorggi skuvlejeaddji háliida ovttasbargat miinguin. Midjiide lea maid dehálaš fitnet máhtu musihkasuorggi skuvlejumis, Sámi musihkkaakademiija jođiheaddji oahpaheaddji Anna Näkkäläjärvi-Länsman muittalii.
Keski-Pohjanmaa konservatorio (KP konsa) lea vuođđuduvvon eanagoddedási musihkaálbmotskuvlan 1966 Kokkola gávpogii. Musihkasuorggi ámmátskuvlejumi lea ordnejuvvon jo jagis 1983. Sámi musihkkaakademiija prošeakta vuođđuduvvo Sámi oahpahusguovddáža ESR prošektii mii ollašuvai 2015-2017, dalle lágiduvvui guokte jagi guhkosaš sámemusihka skuvlenprográmma. Dálá Interreg prošeavtta, man jođiha Ohcejoga gielda, ulbmilin lea fitnet sámemusihka oahpahusa bissovaččan.
-KP konsa rollá ovttsbarggus sáhttášii leat min uhca Sámi musihkkaakademiija mentoran. Vaikke obbalaš musihkasuorggis Sámi musihkkaakademiija lea unna doaibmi, de dat lea dehálaš prošeakta Ohejohkii ja hui dehálaš prošeakta árbevirolaš sámemusihkasuorggis, višunerii Ohcejoga gielddahoavda Vuokko Tieva-Niittyvuopio deaivvadeamis.
Rektor Aho galledii Anáris Sámi oahpahusguovddáža oaivedoaibmabáikis, ja Ohcejogas Sámi musihkaakademiija lanjain ja Gáregasnjárgga bigálusbáikis. Galledeami oktavuođas sohpui ovttasbarggus, nu mo oahpaheaddjilonohallamis ja Sámi musihkkaakademiija oahppiid searvamis musihka vuođđodutkosa čájáhusaide.
Sámi oahpahusguovddáža rektor Eeva-Liisa Rasmus-Moilanen: -Sámi oahpahusguovddáža oktan ulbmilin lea ovddidit sámekultuvra. Mii leat bargan ollu sámegielaid nannema ja ealáskahttima ovdii, árbevirolaš sámemusihka ealáskahttin heivešii min bargguide bures. Mii leat fitnen KP konsas dehálaš ovttasbarggoguoimmi dan nammii, ahte vejolaččat fitnešeimmet Sámi musihkkaakademiija doaimma bissovaččan.
Lassedieđut:
Kati Eriksen
Prošeaktahoavda
Puh. 040 594 5060
Kati.eriksen@utsjoki.fi