Restauraŋŋa- ja catering-suorggi vuođđodutkkus

Goahkkaoahpuin studeanttat geavahit borramušas ollu lagasguovllu buhtes ja alladását ávdnasiid, dego bohcco, guoli, murjjiid ja guobbariid. Báikkálaš ávdnasiid háhkamis studeanttat leat ieža aktiivvalaččat mielde.

Vuođđooahpuid lassin studeanttat besset hárjehit dáidduid ovttasbargoguimmiid diŋgonbargguin ja oahppolágádusa feasttain ja dáhpáhusain.

Ovdánanvejolašvuođat ámmáhis leat ollu. Min studeanttat sáhttet studeret bargosajiin Sámi lassin earret eará Ruoŧas, Norggas ja dieđusge miehtá Suoma. Restauraŋŋasuorggi skuvlejuvvon olbmuide leat valjit bargovejolašvuođat erenoamážit davi hotealla- ja restauraŋŋasuorggi fitnodagain.

Bargan restauraŋŋasuorggis lea máŋggabealat, molsašuddi ja dat addá ollu. Molsašuddi barggut geasuhit miela, itge deaivva guokte seammalágan beaivvi barggus.

Min skuvlla ođđa restauraŋŋa- ja cateringsuorggi oahpposajit gárvánedje 2018. Oahppanbirrasat leat erenoamáš buorit.