Sosiaal- já tiervâsvuođâsyergi vuáđutođhos

Aldatipšon tun poorgah ulmuu alda vuáđutääsi tipšom-, huolâttem- já šoddâdempargoost. Tuu pargo lii išediđ já tuárjuđ aargâ luhostuumist, eellim jieškote-uv äigipoojijn mield jotteem. Aldatipšon tun poorgah ulmuigijn, teeivah párnáid, nuorâid, rävis- já aheulmuid maaŋgâlágánijn eellimtiilijn. Pargostâd tun tarbâšah juávduid sehe jiečânâs paargon já maaŋgâ syergi juávhu jesânin porgâmân. Áámmátist tun tarbâšah tiäđu já tááiđu šoddâm já uásálistem, tiervâsvuođâ, torvolâšvuođâ já pyereestvaijeem oovdedmân.

Aldatipšon tuu pargosaje sáttá leđe tiervâs- já pyecceevuođâtipšom, aheulmuihuolâttem, mielâtiervâsvuođâ- já uáiváditteehuolâttem sajeh, peivipääihih, päikkipalvâlem teikkâ toimâiästulâšpalvâlem. Aldatipšoo pargoost tehálumos lii äššigâs olmâ teivâm já mieldiorroom.