Puásuituálu áámmáttođhos

Puásuituálu mulsâšuvá ubâ ääigi. Uđđâ eennâmkevttimvyehih, EU, piärgumarkkâneh já piirâssuojâlem láá háástuh puásuituálun. Puásuipargoi lasseen puásuiolmooš kalga porgâđ ohtsâspargo, mättiđ viestâdem já tiätutekniik já tubdâđ lahâasâttem. Ovdánmist fáárust pissoom várás puásuiolmooš taarbâš äigikyevdil áámmáttááiđu já kalga čuávvuđ syergi nubástusâid já munediđ taid.

Puásuituálu áámmáttođhos addel laseáárvu já máhđulâšvuođâid tááiđui já tiäđui lasseetmân. Totkos teikkâ ton oosij čođâldittem tuálvu máátu uáinusân. Totkos čođâldittem addel meid tohálâšvuođâ juátkiđ uápuid aaleeb tääsist.

Puásuituálu áámmáttotkos puáhtá čođâldittiđ njyebžilávt pargoi ohtâvuođâst. Keevâtlâš puásuituálu haldâšem lii kuávdáš uási áámmátist. Puásuituálu áámmáttođhosškovliittâsâst puásuituálu tááiđuh lasaneh keevâtlâš já njyebžilis škovlimáin. Škovliittâsâst lii máhđulâš finniđ uđđâ tiäđu syergist, ovdediđ ohtsâšpargo já viärmádâttâđ eres puásuituálusyergi ulmuigijn. Ulmuuh eres puásuituálukuávluin uápásmuveh kuoimijdis já uáppih kuoimij puásuituálukulttuur. Taat lii ohtâ tehálumos vyehi šoddâdiđ puásuiulmuu áámmátčiävláávuođâ.

Vijđodâh

150 mč

Nuhâmettum uuccâmäigi

Säämi máttááttâskuávdáá oovtmanolâš ucâmist puáhtá uuccâđ pirrâ ive. Koijâd älgimmáhđulâšvuođâin oppâtoimâttuvvâst.

Mondiet puásuiolmooš, kote jo máttá puásuituálu vuáđuaašijd, kannat čođâldittiđ puásuituálu áámmáttotkos teikkâ totkus oosijd? Tondiet et škovliimân uásálistem tuárju tááiđui vijđedem

addel tiäđuid já tááiđuid haldâšiđ virgeulmui rähtim noormâid já miärádâsâid
addel laseáárvu, om. tiävdá nuorâ irâtteijee algâttemtorjuu vatâmušâid
tuárju puásuiulmui uđđâ háástui oovdâst
pyereed irâtteijeevuođâ tááiđuid, piergim ko kištottâllâm lassaan já puásuituálu kannattitteevuođâ
lasseet puásuituálu pargei koskânâs tubdâm
lasseet tááiđuid toimâđ jieškote-uvlágán viärmáduvâin
lasseet puásuiulmuu áámmát áárvustanneem
tiäđuh já tááiđuh šoddâdeh puásuiulmuu áámmátčiävláávuođâ

PUÁSUITUÁLU ÁÁMMÁTTOĐHOS 150 uč

Áámmáttođhos siskeeld kyehti págulii já nelji rijjâvaljimuási.

Páguliih totkos uásih 90 uč

Puásuituálu vuáváám já olášuttem 60 uč
Puásuituálu irâtteijen toimâm 30 uč

Totkos valjimuásih 60 uč

Poccuu lágádâsnjuovvâm 30 uč
Poccuu ruovjim já piärgučuoppâm 30 uč
Puovtân ovdedem puásuituálust 30 uč
Palgâs haldâttâhpargoin toimâm 30 uč
Ärbivuáválij puásuimateriaalij pyevtittem 30 uč
Totkos uási tâi uásih nube áámmáttotkosist tâi spesiaaláámmáttotkosist 30 uč

Totkos čođâlditmân váttoo págulij oosij já kyevti rijjâvaljimuási tuhhiittettee čođâldâs. Uáppoid lii oovtmanolâš uuccâm, já uuccâm ohtâvuođâst ráhtoo persovnlâš mättim ovdedemvuávám.

Tuáivunjaargâ máttááttemnjuovvâmlágádâsâst lii pyeri oppâmtile já čepis pargoviehâ. Tiervâpuáttim!