Sámi oahpahusguovddáš lea skuvlen gáiddusstudeanttaid virtuála oahppanbirrasiin jagi 2004 rájes sámegielain ja -kultuvrras. Sámi oahpahusguovddáža fállan virtuálaoahpahus sisttisdoallá oahppanbirrasa, masa gullet reálaáigásaš oahppodiimmut gáiddusoahpahusvuogádagas, Moodle-oahppanvuođđu ja earálágan servvoslaš bargoneavvut ja -vuogit. Oahpahussii gullá maiddái lagasoahpahus.