Árktalaš pedagogihkka II, sámeoahpahusa digifierpmádat -prošeakta
Prošeakta čieŋui sámi ruovttuguovllus sámeoahpahusa oahpahus- ja bagadallanbargiid pedagogalaš digidáidduid ovdánahttimii. Prošeavttas čiekŋuduvvui ja viiddiduvvui pedagogihka mas ávkkástallojuvvo digiteknologiija, ja mas sámegielat, kultuvra sihke árbevirolaš ealáhusat ja luonddu birrajohtu leat váldon vuhtii.
Ovdánahttindoaibma ollašuhttojuvvui ovttas Sámi oahpahusguovddážiin, Lappi Universitehtain, sámeguovllu skuvlafierpmádagaiguin ja oahpaheddjiiguin. Lassin ovdánahttojuvvui árktalaš pedagogihka, mii vástida Árktalaš guovllu hástalusaide, mat šaddet guhkes gaskkaid ja molsašuddi diliid dihte. Árktalaš pedagogihka oaivvilda skuvlejumi, mas gudnejahttojuvvo guovllu olbmuid, sosiálalaš ja báikkálaš vuogádagaid, luonddu ja kultuvrra. Prošeavttas kártejuvvui ulbmiljoavkkuid digipedagogalaš dáidduid vuolggadássi ja bohtosiid vuođul plánejuvvojedje doaibmabijut, mat dorjo dáidduid ovdánahttima. Covid-19 dagahan dili geažil skuvllat giddejuvvojedje ja prošeakta doarjjui oahpaheddjiid gáiddusoahpahussii sirdáseami dievasmahttinskuvlendilálašvuođaiguin. Daid lassin prošeavttas hábmejuvvojedje skuvlenmállet, mat vuhtiiváldet bargoeallima digitališuvnna ja main olbmo ahkái, skuvlenduogášii ja ulbmiliid ektui earálágan studeanttat ožžot individuála oahpahusa beroškeahttá ássansajis. Prošeakta doarjjui vuođđo- ja joatkkaskuvlla skuvllaid bargiid ja ohppiid.
Prošeakta galledalai skuvllaid ja ráhkadii sámeoahpahusa ámmátlaččaid várás digipedagogalaš fierpmádaga, mii doarju sin gaskaneaset gulahallama. Prošeakta olahii plánejuvvon ulbmiliid.
Sámeoahpahusa digioahppanfierpmádat gávdno čujuhusas https://peda.net/saamelaisopetuksendigioppimisverkosto
Čáppa luondu & fámolaš boazu -čuovgagovvačájáhus lea oaidnin láhkai Sámi oahpahusguovddáža Silbaláddo doaibmabáikkis, čujuhusas Doaivonjárggageaidnu 246, 99910 GÁMÁS. Čuovgagovvačájáhusa birra lea suomagielat čálus prošeavtta áigeguovdilis dieđáhusain.
Prošeavtta ulbmilat ledje
1) ovddidit ulbmiljoavkkuid fierpmáiduvvama nu, ahte das ávkkástallojuvvojit gáiddusoktavuođat ja digitálalašvuohta,
2) lasihit prošeavtta ulbmiljoavkkuid digitálalaš máhttu ja sierra lágan digitálalaš vuođuid, ovdamearkka dihte oahppomateriálaid buvttadan- ja juogadanvuođuid njuovžilis geavaheami
3) lasihit ulbmiljoavkkuid teknologiijai ja ođđa doaibmakultuvrii laktáseaddji máhttu, mii doarju ollašuhttit oahpahusa ja skuvlejumi oahppoplánaid ja ámmátlaš skuvlejumi ollašuhttin- ja árvvoštallanplánaid mielde
4) hábmet málle mo sámekulturskuvlejumi sáhttá ollašuhttit earálágan ulbmiljoavkkuide nu, ahte das ávkkástallojuvvo digitála doaibmavuogit.
Prošeaktaollašuhttiid oktavuohtadieđut
Prošeavtta vuođđodieđut
Ollašuhttináigodat:
1.1.2019-31.10.2021
Bušeahtta: 355 610 EUR
Ruhtadeaddjit:
Eurohpá sosiálafoanda (ESF), Sámediggi, Eanodaga, Anára, Soađegili ja Ohcejoga gieldda
Váldoollašuhtti: Sámi oahpahusguovddáš
Oasseollašuhtti: Lappi Universitehta
Ovddasvástideaddji eiseváldi:
Davvebađaeatnama ealáhus-, johtalus- ja birasguovddáš
Doaibmalinjá:
4. Skuvlen, ámmátdáidu ja agibeaivválaš oahppan
Sierraulbmil:
9.1. Daid bálvalusaid buorideapmi mat dorjot sirdásanáigodagaid ja dásseárvvu skuvlejumis
Prošeavtta govvádus Rakennerahasto RR-diehtobálvalusas