Davvisámegiela ságastallaskuvlejupmi 1 oč

Skuvlejupmi sisttisdoallá 18 gáiddusoahppodiimmu ja 22 diimmu iehčanas barggu. Vuosttaš oahppodiimmuin oahpásnuvvat skuvlejumi ollašuhttingeavahagaide ja digitála oahppanbirrasii.

Ulbmilat

Hárjehallat sámegiela njálmmálaš geavaheami ja seammás ulbmilin lea riggodahttit sátneráju. Skuvlejumis deaddu lea njálmmálaš giela hárjehallamis muhto čálalaš barggut leat hárjehallama doarjjan.

Geasa

Skuvlejupmi lea dárkkuhuvvon buohkaide, geat hálidit hárjehahttit iežaset njálmmálaš sámegiela dáiddu. Skuvlejupmi heive sihke eatnigielagiidda, geat dárbbašit aktiveret passiivvalaš dahje vajálduvvan giellamáhtuset dahje daidda, geat oahpahallet sámegiela nubbin- dahje vierisgiellan ja hálidit hárjehahttit sámegiela njálmmálaš dáidduid. Oassálastiin vuordit, ahte sii hálddašit vuođđodieđuid davvisámegielas (omd. leat čađahan davvisámegiela vuođđodási skuvlejumi dahje leat vástideaddji dieđut). Ságastallangurssas aktiivvalaš oassálastin lea dehálaš!

Ollašuhttin

Skuvlejupmi ollašuhttojuvvo gáiddusoahpahussan Microsoft Teams -čoahkkinprográmmain ja Open Moodle -oahppanvuođu bokte. Studeanta galgá skáhppot čuovvovaš oahppanneavvuid: dihtora (eat ávžžut mobiilarusttegiid), interneahttaoktavuođa ja belljosiid oktan mikrofovnnain (headset).

Dasa lassin geavahit oahpuid áigge Google balvabálvalusaid ja eará ávkkálaš neahttamateriálaid ja -prográmmaid. Oahppi ráhkada ieš dovddaldagaid Open Moodle - ja Google Gmail -bálvalusaide.

Prográmmain ja daidda gullevaš oahpásmuhttinmateriálain vástida skuvlejumi ordnejeaddji. Studeanta vástida iežas oahppanneavvuin, gáiddusvuogádagaide oahpásmuvvamis ja oahppomateriála skáhppomis. Dan maŋŋel go studeanta lea skáhppon gáiddusoapahusa gáibidan oahppanneavvuid, son oažžu registrerenčoavdaga oahppanbirrasii.

Áigedávval

vu 31.8.26 dmu 17.00-18.30 Teams-deaivvadeapmi
vu 7.9.26 dmu 17.00-18.30 Teams-deaivvadeapmi
vu 14.9.26 dmu 17.00-18.30 Teams-deaivvadeapmi
vu 21.9.26 dmu 17.00-18.30 Teams-deaivvadeapmi
vu 28.9.26 dmu 17.00-18.30 Teams-deaivvadeapmi
vu 5.10.26 dmu 17.00-18.30 Teams-deaivvadeapmi

Fierbmeoahpahus lea Open Moodle-oahppanvuođu bokte.