SOG bargá guhkesáigásaš ja ulbmillaš ovttasbarggu iešguđet doibmiiguin. Ovttasbargu lea midjiide dehálaš, ja dat addá vejolašvuođaid máŋggabealat máhttima ovddideapmái ja ođđa jurdagiid šaddamii. Min ovttasbargoguoimmit leat ee. guovllu fitnodagat, organisašuvnnat, gielddat/suohkanat ja eará oahppolágádusat. Mii ohcat ovttasbarggus vuogas čovdosiid omd. skuvlendárbbuid ámmátlaš skuvlejumi ovddideapmái ja nannemii dahje bargobáikkis gáibiduvvon koarttaid, lobiid, pássaid, gelbbolašvuođaid ja dorvvolašvuođa máhttima háhkamii ja beaivádeapmái. Ovttas sáhttit ovddidit min guovllu fitnodateallima ja skuvlejumi.
-
FidnutSámi oahpahusguovddážis leat ollu fitnut. Mii leat mielde iešguđetlágan fitnuin, main ovddidit omd. skuvlejumi, sámekultuvrra dahje guovllu fitnodateallima. Fitnuid bokte sáhttit fállat ođđa vejolašvuođaid studeanttaide ja guovllu ássiide.
-
Skuvlejumi ordnenlobi dutkosatSámi oahpahusguovddážis lea vejolašvuohta ordnet ordnenlobi mielde dutkkusskuvlejumiid ja ámmátlaš máhttima čiekŋudeaddji dahje dievasmahtti skuvlejumi, mat laktásit dáidda dutkosiidda ja maid ulbmilin ii leat dutkosa dahje dan oassesuorggi čađaheapmi.
