Válmmaštuvvan ja duođaštusat
Go oahput leat nohkagoahtimin, ofelaš-bagadalli muittuha studeanttaid válmmaštuvvama áigetávvalis ja eará geavatlaš áššiin. Olles dutkosa čađaheamis studeanta oažžu dutkkusduođaštusa. Dutkosa osiid čađaheamis studeanta oažžu duođaštusa čađahuvvon dutkosa osiin. Lohkanbadjeskuvlejumiid studeanta oažžu duođaštusa dain oahpuin maid lea čađahan. Sáhttá leat, ahte válmmaštuvvi studeanttaid namat almmustahttojuvvojit neahttasiidduin ja báikkálaš áviissain. Studeanta galgá almmuhit oahppodoaimmahahkii, juos son ii háliit, ahte su namma almmustahttojuvvo.
Válmmaštuvvan studeantta SOG geavaheaddjidovddaldat heaitá doaibmamis. Studeantta galgá ovdal válmmaštuvvama vurket daid fiillaid, maid dárbbaša.
Studentii, gii lea čađáhan unnimustá ovtta dutkosa oasi, sáddejuvvo oahpuid nohkanmuttus Oahpahushálddahusa ámmátlaš skuvlejumi oahppomáhcahatjearahallan. Vástidanáigi lea 30 jándora. Jearahallamat bohtet čujuhusas noreply@opintopolku.fi. Jearahallamii sáhttá vástidit suomagillii, ruoŧagillii dahje eaŋgalasgillii. Jos jearahallamii ii vástit dalánaga, sádde OPH muittuhusa jearahallamis vuos viđa jándora ja nuppi háve logi jándora geažes das go jearahallan vuosttamuš háve sáddejuvvui. Máhcahaga bokte sáhttit čuovvut ja gárgehit sihke našuvnnalaš ja skuvlejumi lágideaddji siskkáldas kvalitehta. Čuovvut SOG:s vástádusmeari ja gieđahallat boahtán máhcahagaid. Juohke máhcahat mearkkaša!
Válmmaštuvvi studeantta muitinlistu:
- Muitte máhcahit čoavdagiid: skuvllačoavdda, biillabáikki čoavdda, ásodaga čoavdda.
- Máhcat dihtora, láddenrusttega ja eará dávviriid maid luoikkahit oahppolágádusas.
- Gurre iežat bivttasskáhpe.
- Mávsse materiálamávssuid ja eará vejolaš mávssuid.
- Sihkkarastte, ahte Wilmas lea du priváhta e-boastačujuhus riekta.
Duođaštusat
Dá gávnnat dárkilut dieđuid goas ja mo oaččut duođaštusa ja oahpporegisttarváldosa ja mo sihkkarasttát dan, ahte dokumeanta lea eakti albma dokumeanta.
Sámi oahpahusguovddážis leat anus elektrovnnalaš duođaštusat (1.5.2026 rájes): dutkkusduođaštusat, duođaštusat čađahuvvon dutkosa osiin ja omd. lohkanbadjeoahpuid ja gielaid oanehusskuvlejumiid ja iešguđetlágan kurssaid duođaštusat (Studyo Oy Atomi-bálvalus).
Oaččut oahpuid nohkama/gaskkalduvvama maŋŋá iežat priváhta e-bostii liŋkka, man duohkin gávnnat duođaštusaid/oahpporegisttara. E-boasta sáddejuvvo sullii guovtti vahkku siste oahpuid nohkamis/gaskkalduvvamis. E-boasta boahtá čujuhusas noreply.todistus@sogsakk.fi. Go oaččut e-boastta, de dus lea 30 beaivvi áigi vurket duođaštusa.
Atomi-bálvalusa bokte studeanttat sáhttet oahpuid áigge luđet ja vurket elektrovnnalaččat vuolláčállon oahpporegistara. Liŋka boahtá studeantta priváhta e-bostii. Sihkkarastte, ahte Wilmas lea du priváhta e-boastačujuhus riekta.