Kultuvra

Anáris ordnejuvvojit jahkásaččat máŋggat sámekultuvrii laktáseaddji dáhpáhusat, degomat eamiálbmogiid riikkaidgaskasaš filbmafestivála Skábmagovat, eamiálbmogiid musihkkadáhpáhus Ijahis Idja ja Heargegonagasvuodjimat.  
 
Anára girkosiiddas lea sámemusea ja luondduguovddáš Siida, gos leat kultur- ja luonddučájáhusat. Siida lea hui bivnnut. 
 
Anára girkosiidii lea 2012 boahtán maid sámekulturguovddáš Sajos, mii lea Suoma sámiid hálddahusa ja kultuvrra guovddáš, gos leat maid ollu iešguđetlágan dáhpáhusat. Ee. filbmariekkis Filbmari doaibmá Sajosis. Filbmari doaimmas gávnnat dieđuid Elokuvakerho Filbmari Facebook-siidduin.