Allaskuvllaovttasbargu

Sámi oahpahusguovddáš bargá čavga ovttasbarggus iešguđet oahppolágádusaiguin ja allaskuvllaiguin. Ovttasbarggu ulbmilin lea lasihit ja ovddidit skuvlejumi, mat laktásit sámegielaide ja sámekultuvrii, lasihit ja ovddidit máhttima ja dutkamuša ja bálvalit sámeguovllu bargo- ja fitnodateallima dárbbuid.

Sámi oahpahusguovddáš lea Árktalaš universitehta (UArctic) miellalahttooahppolágádus. UArctic lea sirkumpolára allaskuvlafierpmádat ja okta máilmmi stuorámus skuvlen- ja dutkanfierpmádagain. Miellalahttovuođa mielde lea vejolašvuohta leat viidát studeanta- ja áššedovdilonohallamis viiddis sirkumpolára guovllus.

Lappilaš skuvlenguoibmevuohta

Sámi oahpahusguovddáš lea Lappilaš skuvlenguoibmevuohta fierpmádaga lahttu ovttas Lappi AMK:ain, ámmátoahpahat Lappiain, Lappi skuvlenguovddáš REDUin, Lappi geasseuniversiteahtain ja Lappi universiteahtain. Fierpmádaga oahppolágádusat čatnasan skuvlenovttasbargui ja ávaštandieđu, áššedovdámuša ja čehppodaga juohkimii sihke ovddidit ovttas bargoeallinbálvalusaid ja dutkan-, ovddidan- ja innovašuvdnaovttasbarggu.

Verddefierpmádat

Sámi oahpahusguovddáš, Lappi universiteahta ja Oulu universiteahta Giellagas-instituhta dahkat Verddefierpmádaga. Ovttasbarggu mihttomearri lea lasihit ja ovddidit sámegielaide ja kultuvrii gullevaš skuvlejumi ja dutkama sihke sápmelašvuhtii laktásan buresveadjin- ja dearvvašvuođadieđalaš, dáiddaindustriijalaš, juridihkalaš ja servodatdieđalaš skuvlejumi ja dutkamuša.