Fitnodatdoaibma

Sámegiela ja kultuvrra skuvlejupmi lea čoavddasajis sámekultuvrra seailluheamis ja ovddideamis. Bargu mii dahkkojuvvo sámeguovlluin ja daid olggobealde lea dehálaš olles sámeservodaga identitehta ja giela eallinfámolašvuođa geažil. Fállat sámegiela ja kultuvrra skuvlejumi davvisámegielas, nuortalašgielas ja anárašgielas.

Duodji lea guovddáš oassi sámekultuvrras. Min duodjeskuvlejupmi vástida dánáigásaš hástalusaide ja geavaha ja heiveha árbevirolaš máhtu. Oahpuid áigge studeanttaid hutkáivuohta, giehtadáiddut ja nákca čoavdit váttisvuođaid nanosmuvvet.

Boazodoallu lea máŋggabealat ja dehálaš ealáhus, mii ovttasta ekonomalaš, kultuvrralaš ja biraslaš oli. Dat gáibida vuogáiduvvama luonddudiliide ja servodaga nuppástusaide, muhto seailluha seammás čiekŋalis oktavuođa davvi eamiálbmotkultuvrraide ja árbevieruide.

Turismasuorggi skuvlejupmái sáhttet ohcalit nu oahppogeatnegáhtton go ráves ohccit. Lagašoahpahussan fállat skuvlejumi man mihttomearrin lea árktalaš luondduturisma čehppodat, mas dehálaš oassin oahpuid leat earet eará oahpistan- ja vánddardandáiddut. Rávesolbmuide vuogas skuvlejumit sáhttet leat bargoeallinvuđot dutkosa oasit, maid ohcci sáhttá válljet beroštumis mielde ovdamearkka dihtii idjadan-, biebmo- dahje turismma vuovdinbálvalusain. Oahpásmuva e-vuođuštusain lasi turismasuorggi vuođđodutkosa máŋggabealat vejolašvuođaide!

Oza stuđeret Sosiála- ja dearvvašvuođasuorggi vuođđodutkosa Sámi oahpahusguovddážii ja ráhkkan olmmošeaddjái ja mearkkašahtti bargui. Háliidatgo bargat dakkár barggu, mas beasat veahkehit ja doarjut olbmuid árggas? Háliidatgo, ahte du bargu lea máŋggabealat ja addá vejolašvuođa šaddat ámmátlažžan? Lagašdivššárin sáhtát bargat sierra ahkásaš olbmuiguin dikšuma, veajuiduhttima ja bajásgeassima bargguin.

Goahkkaoahpuin stuđeanttat atnet biepmu ráhkadeamis valjis lagašguovllu buhtis ja alla kvalitehta ávdnasiid, dego bohcco, guoli, murjjiid ja guobbariid. Báikkálaš ávdnasiid skáhppomis stuđeanttat leat maiddái ieš aktiivvalaččat mielde.

Leatgo beroštuvvan máŋggabealat áššehasbálvalusa ja vuovdima bargguin? Háliidivččetgo leat márkanastima ja visuálalaš plánema čeahppi? Leago dus suorggi bargovásihus, muhto dutkkus váilu? Dovddatgo dárbbu beaivádit dahje viiddidit iežat máhtu? Jos vástidit muhtun sadjái juo, fitnodatdoaimma vuođđodutkosa stuđeren Sámi oahpahusguovddážis sáhtášii leat rivttes molssaeaktu justa dutnje!