Boazodoalu ámmátdutkkus

Jos leat jo guhkit áigge doaibman boazodoallofitnodatdoallin, muhto dovddat ahte máhttogáibádusat lassánit, boađe dievasmahttit iežat ámmátdáiddu boazodoalu ámmátdutkosa oahpuin. Boazodoalus nuppástusat leat ollesáigásaččat: eará eanageavaheami lassáneapmi, EU ja biergomárkanat ásahit hástalusaid boazodollui. Boazodoallomáhtu lassin boazodoallis gáibiduvvo fitnodatdoalli dáidduid ja máŋgga suorggi čehppodaga.

Boazodoalu ámmátdutkkus lea oaivvilduvvon boazodoallofitnodatdolliide, geat leat doaibman ealáhusas máŋggaid jagiid nu, ahte suorggis ja barggus lea čoggon čiekŋalis vásáhus. Ámmátdutkkusskuvlejupmi bálvala daid, geat leat beroštuvvan ámmátdáiddu bajásdoallamis áigeguovdilin, suorggis dáhpáhuvvi nuppástusaid čuovvumis ja daid ávašteamis. Boazodoalu ámmátdutkkus addá lasseárvvu ja vejolašvuođaid dieđuid ja dáidduid lasiheapmái. Dutkosa dahje dan osiid čađaheapmi lea oinnolaš čujuhus máhtus. Dutkosa čađaheapmi addá maiddái gelbbolašvuođa joatkkaoahpuide fidnoallaskuvlii dahje universitehtii.

Stuđeren ovttas bargguin

Boazodoalu ámmátdutkosa sáhttá skáhppot njuovžilit barggu olis. Geavatlaš boazodoalu hálddašeapmi lea guovddáš oassi ámmáhis. Boazodoalu ámmátdutkkusskuvlejumis boazodoalu dáiddut viiddiduvvojit geavadatlaš ja njuovžilis skuvlejumiin.

Skuvlejumis lea vejolaš oažžut suorggi ođđa dieđuid ja ovddidit ovttasbarggu ja fierpmádathuksema nuppiiguin geat barget boazodoaluin. Sierra sajiin boazodoalloguovllus boahtán boazodoallit oahpásmuvvet gaskaneaset ja ohppet nubbi nuppis boazodoallokultuvrra. Dát jos mii šaddada boazodoalli ámmátčeavláivuođa.

Mani boazodoalli, gii jo máhttá vuođđoboazodoallodáidduid, gánneha čađahit boazodoalu ámmátdutkosa dahje dutkosa osiid?

Danin, ahte skuvlejupmái oassálastin doarju dáidduid viiduma

addá dieđuid ja dáidduid hálddašit eiseválddiid gárvvistan norpmaid ja mearrádusaid
addá lasseárvvu omd. deavdimin nuorra fitnodatdoalli álggahandoarjaga gáibádusaid -doarju boazodolliid ođđa hástalusaid ovddas
buorida fitnodatdoaimma dáidduid - buorida birgema gilvvohallama lassánettiin – buorida boazodoalu gánnáhahttivuođa
lasiha dan ahte boazodoalu hárjeheaddjit dovdet gaskaneaset
lasiha dáidduid máhttit doaibmat sierra fierpmádagain
lasiha boazodoalli ámmáha árvvusatnima
dieđut ja dáiddut šaddadit boazodoalli ámmátčeavláivuođa

Dutkosa sisdoallu

BOAZODOALU ÁMMÁTDUTKOSA 150 oč

Ámmátdutkkus sisttisdoallá guokte bákkolaš ja njeallje dutkosa váljaoasi.

Geatnegahtton dutkosa oasit 90 oč

Boazodoalu plánen ja ollašuhttin 60 oč
Boazodoallofitnodatdoallin doaibman 30 oč

Dutkosa váljaoasit 60 oč

Bohcco lágádusnjuovvan 30 oč
Bohcco ruvjen ja bierggu čuohppan 30 oč
Buvttaovddideapmi boazodoalus 30 oč
Bálgosa hálddahusbargguin doaibman 30 oč
Árbevirolaš boazomateriálaid buvttadeapmi 30 oč
Dutkosa oassi dahje oasit nuppi ámmátlaš vuođđodutkosis, ámmátdutkosis dahje spesiálaámmátdutkosis 1-30 oč
Allaskuvlaoahput 1-30 oč

Dutkosa čađaheapmái gáibiduvvo geatnegahtton oasi ja guovtte váljaoasi dohkkehuvvon čađaheami. Oahpuide lea ollesáigásaš ohcan ja ohcama oktavuođas ráhkaduvvo persovnnalaš máhtu ovddidanplána.

Doaivunjárgga oahpahusnjuovahagas leat buorre vejolašvuođat njuovahaga ja bierggu gieđahallama oahppamii. Sámi oahpahusguovddážis leat buorre vejolašvuođat ja čeahpes bargoveahka. Buresboahtin!

Liŋka dutkosa vuođuštusaide: Boazodoalu ámmátdutkkus

Luonddu- ja birassuorggi vuođđodutkkus, boazodoalli
Jos ealát boazodoalloservodagas ja leat beroštuvvan máŋggasuorggat, molsašuddi olgobargguin, boazosuorggi oahput heivejit dutnje bures. Áddet, ahte dávjá galgá bargat garrasit ja hástaleaddji diliin buot dálkkiin. Bargu dáhpáhuvvá ovttasbarggus eará boazodolliiguin doppe, gos du ruohttasat leat.
Boazodoalu ámmátdutkkus
Jos leat jo guhkit áigge doaibman boazodoallofitnodatdoallin, muhto dovddat ahte máhttogáibádusat lassánit, boađe dievasmahttit iežat ámmátdáiddu boazodoalu ámmátdutkosa oahpuin. Boazodoalus nuppástusat leat ollesáigásaččat: eará eanageavaheami lassáneapmi, EU ja biergomárkanat ásahit hástalusaid boazodollui. Boazodoallomáhtu lassin boazodoallis gáibiduvvo fitnodatdoalli dáidduid ja máŋgga suorggi čehppodaga.

Boazodoalu ámmátdutkkus

Áigeguovdilis suorgái laktásan skuvlejumit gávdnojit skuvlenkaleandaris.

Lassedieđut

Oahpásmuva maiddái dáidda